અમરિકાના રાષ્ટ્રપતિ ડોનાલ્ડ ટ્રમ્પ 23 ફેબ્રુઆરીથી 29 ફેબ્રુઆરીની વચ્ચે ટ્રમ્પ ભારતની ત્રણ દિવસની મુલાકાતે આવવાના છે. તેમાં તેઓ અમદાવાદની મુલાકાત લેવાના છે. જેમાં તેઓ વિશ્વના સૌથી મોટા મોટેરા સ્ટેડિયમનું ઉદ્ઘાટન કરશે. ત્યારે અમદાવાદમાં હાઉડી મોદી જેવા કાર્યક્રમથી શક્યતા છે. જેમાં વડા પ્રધાન નરેન્દ્ર મોદી પણ હાજર રહેશે. તેઓ અમદાવદમાં ગાંધીજીના સાબરમતી આશ્રમની મુલાકાત લે એવી પણ સંભાવના છે. સાથે જ દિલ્હી અને આગ્રાના તાજમહેલની પણ મુલાકાત લેશે.
ડોનાલ્ડ ટ્રમ્પની સુરક્ષા માટે તંત્રની તૈયારી
ત્યારે અમેરિકાના રાષ્ટ્રપતિ ડોનાલ્ડ ટ્રમ્પની સુરક્ષા મામલે અમેરિકની સુરક્ષા સંસ્થા યુનાઇટેડ સ્ટેટ્સ સિક્રેટ સર્વિસ (USSR) અને કેન્દ્ર સરકારની સ્પેશિયલ પ્રોટેક્શન ગ્રુપ (SPG) 11 ફેબ્રુઆરીએ અમદાવાદમાં સુરક્ષા બંદોબસ્તનો તાગ મેળવવામાં માટે અમદાવાદ આવવાની છે. ત્યારે 24 જાન્યુઆરીએ રાજ્યના સિનિયર બ્યુરોક્રેટ્સે સ્ટેડિયમની મુલાકાત લીધી હતી. નવું સ્ટેડિયમ ફેબ્રુઆરીના બીજા વીકમાં સંપૂર્ણ રીતે તૈયાર હશે.
લિનિયર પોલીસના વરિષ્ઠ અધિકારીઓ કહ્યું હતું કે અન્ય જિલ્લાના પોલીસ અધિકારીઓ અને નેશનલ સિક્યોરિટી ગાર્ડ (એનએસજી) સ્ટેન્ડબાય રહેશે. સુરક્ષા વ્યવસ્થાને મુદ્દે ગુજરાત પોલીસ પણ નેશનલ સિક્યોરિટી સલાહકાર અજિત ડોભાલકરની સાથે સીધો સંપર્ક જાળવી રાખશે.
પ વિશ્વની સૌથી સુરક્ષિત કાર ધી બીસ્ટિમાં હશે
ટ્રમ્પ એરપોર્ટથી હોટેલ, હોટેલથી મોટેરા સ્ટેડિયમ અને ગાંધી આશ્રમ જશે.અમેરિકી રાષ્ટ્રપતિ અમદાવાદના રસ્તાઓ અમેરિકાથી આવનાર પ વિશ્વની સૌથી સુરક્ષિત કાર ધી બીસ્ટિમાં હશે. આ ધી બીસ્ટ કાર ટેક્નોલોજી અને આધુનિક હથિયારોથી સજ્જ હશે. કારની વિન્ડો પાંચ ઇંચ જાડી અને બુલેટ પ્રૂફ, કાર પર કેમિકટ અટેક થાય તો કારસવાર લોકોને કોઈ નુકસાન નહીં થાય. આ કાર 15 સેકન્ડમાં 0થી 100 કિમીની ઝડપ થી દોડે છે. કારમાં સેટેલાઇટ ફોનની સુવિધા પણ છે. આ કારમાં આશરે રૂ. 10 કરોડનો ખર્ચ કરવામાં આવે છે. જો કે હજુ આ કાર્યક્રમ અંગે કોઇ સત્તાવાર જાહેરાત કરાઇ નથી.
આ પણ વાંચો : SC/ST સંશોધન એક્ટ 2018 : અત્યાર સુધીમાં સુધીમાં શું શું થયું ?
