એક તરફ દુનિયામાં કોરોના વાયરસનું સંકટ છવાયું છે ત્યારે, બીજી તરફ ગઠિયાઓ સાયબર ક્રાઇમ દ્વારા લોકોના પૈસા પડાવી રહ્યા છે. આ લોકડાઉનમાં લોકો ઓનલાઇન વધારે એકટીવ હોવાના કારણે સાયબર ક્રાઇમના કેસમાં વધારો થયો છે. હાલમાં, KYCના નામે પણ કેટલાક લોકો ઓનલાઈન છેતરપિંડીનો ભોગ બની રહ્યા છે. આવા બે દિવસમાં બે બનાવો ઘાટલોડિયા પોલીસ સ્ટેશનમાં નોંધાયા છે. આ છેતરપિંડીનો ભોગ ઓર્થોપેડીક સર્જન પણ બન્યા છે.
ઘાટલોડિયા માં રહેતા હર્ષદ શખેસરા એ ફરિયાદ નોંધાવી હતી કે, ગઈ 22 મી એપ્રીલ એ તેમના મોબાઈલમાં Paytm KYC કરવા માટે મેસેજ આવ્યો હતો. જેથી તેમને મેસેજમાં આવેલ નંબર પર ફોન કરતા પેટીએમ કેવાયસી કરવા માટે કહીને ક્વિક સપોર્ટ (Quick Support) નામની એપ્લિકેશન ડાઉનલોડ કરવા માટે કહ્યું હતું. એપ્લિકેશન ડાઉનલોડ કર્યા બાદ તેમાંથી લોગ આઉટ થઈ Paytm માંથી એક રૂપિયો ટ્રાન્સફર કરવા માટે કહ્યું હતું.
આ પણ વાંચો : ઓનલાઇન શોપિંગમાં ડિલિવરી લેતી વખતે આ 3 બાબતોનું રાખો ખાસ ધ્યાન
આમ કરતા તેમના એકાઉન્ટ માંથી 9 ટ્રાન્સજેક્શન મારફતે રૂપિયા 1 લાખ 35 હજાર ઉપડી ગયા હતા. જેથી તેમને તાત્કાલિક સાયબર ક્રાઇમ ની મદદ લઇ ઘાટલોડિયા પોલીસ સ્ટેશન માં ફરિયાદ દાખલ કરાવી છે. જ્યારે બીજા બનાવમાં નારણપુરામાં રહેતા પ્રદીપભાઈ વોરા નામના વ્યક્તિ સાથે Paytm KYC કરવાના બહાને આ પ્રકારે અલગ અલગ 10 ટ્રાન્સજેક્શન દ્વારા 99,678 રૂપિયા ટ્રાન્સફર થઈ ગયા છે.
