અત્યારના સમયે લોકોમાં કોરોના વાયરસનો ડર વધારે જોવા મળી રહ્યો છે. જેના કારણે લોકો આરોગ્ય સંબંધિત વિવિધ અફવાઓનો શિકાર બની રહ્યા છે. માટે, દેશવાસીઓના સ્વાસ્થ્યને ધ્યાનમાં રાખીને, આયુષ મંત્રાલય દ્વારા કેટલીક આયુર્વેદિક પદ્ધતિઓ સૂચવવામાં આવી છે જેથી લોકો ગેરસમજોનો શિકાર ન બને, સ્વસ્થ રહે અને તેમની રોગપ્રતિકારક શક્તિ જળવાઈ રહે…
- દિવસ દરમિયાન ગરમ પાણીનો ઉપયોગ કરો.
- દરરોજ ઓછામાં ઓછા 30 મિનિટ માટે યોગ, પ્રાણાયામ અને ધ્યાન કરો.
- જમવાનું બનાવવામાં હળદર-જીરું-ધાણા-લસણનો ઉપયોગ કરવો.
આ રીતે રોગપ્રતિકારક શક્તિ વધારો
- દરરોજ એક ચમચી ચ્યવનપ્રાશથી સવારની શરૂઆત કરો. જે લોકોને ડાયાબિટીઝની તકલીફ હોય છે તે સુગર ફ્રી ચ્યવનપ્રાશ લઇ શકે છે.
- હર્બલ ટી અથવા ઉકાળો પીવો. આ માટે તુલસી, તજ, કાળા મરી અને આદુને એકસાથે પાણીમાં ઉકાળો અને આ પાણીને ગાળીને તેનું સેવન કરો. તમે દિવસમાં 1-2 વખત આ પાણીનું સેવન કરી શકો છો. જો તમને આ ઉકાળો પીવામાં તકલીફ આવે, તો તમે ટેસ્ટ માટે તેમાં ગોળ અથવા લીંબુનો રસ ઉમેરી શકો છો.
ગોલ્ડન મિલ્ક
અડધી ચમચી હળદર 150 ml દૂધ સાથે ભેળવીને દિવસમાં એક કે બે વાર પી શકાય છે. યાદ રાખો કે, ખોરાક તરત અથવા અને તરત પહેલા કે પછી જમવું
જોઈએ નહિ.
આ પણ વાંચો : વર્કિંગ વુમન માટે લોકડાઉન આ કારણે મુસીબત બની ગયું છે…
સૂકી ઉધરસ અને ગળાની સારવાર
ફુદીનાના પાન અને અજવાઇન (બીજ) પાણીમાં ઉકાળો અને તેને વરાળ લો. તેનાથી ફાયદો થશે.
જો તમને કફ અથવા ગળાની સમસ્યા છે, તો લવિંગ પાવડર, મધ અથવા ખાંડને મિક્સ કરો અને આ મિશ્રણનું સેવન દિવસમાં બેથી ત્રણ વખત કરો.
આ બાબતોનું ધ્યાન રાખો
સામાન્ય સૂકી ઉધરસ અથવા ગળાના દુખાવાના કિસ્સામાં આ પદ્ધતિઓ અપનાવી જોઈએ. જો ત્યારબાદ પણ તમારા શરીરમાં આ લક્ષણો રહે છે, તો તમારે તરત જ ડોક્ટરને મળવું જોઈએ.
ઉપર આપેલી તમામ માહિતી દેશના નામાંકિત આયુર્વેદાચાર્યોએ આપી છે. તમે તમારી જરૂરિયાત અને સગવડતા અનુસાર તેને અપનાવી શકો છો. આ પદ્ધતિઓ બદલાતી ઋતુઓમાં આરોગ્યની સમસ્યાઓ સામે લડવામાં અને રોગપ્રતિકારક શક્તિ વધારવામાં મદદરૂપ છે. આનો ‘કોવિડ -19’ ની સારવાર તરીકે ઉપયોગ ન કરો.
