અમદાવાદ હાલ રાજ્યમાં કોરોના વાયરસનું હોટસ્પોટ બનેલું છે. ગુજરાતમાં સૌથી વધુ કેસ અમદાવાદમાં નોંધાયા છે. ત્યારે શહેરમાં લોકડાઉનનું પાલન કરાવવા હવે NCC કેડેટ્સ મેદાને આવ્યા છે. અમદાવાદની સરકારી પોલિટેકનીક ખાતે લેફ્ટનન્ટ દુહિતાની આગેવાનીમાં એન.સી.સી. ગર્લ્સ યુનિટની શરૂઆત હાલમાં જ કરવામાં આવી છે. તેઓ માર્ચ મહિનામાં જ ગ્વાલિયરનાં આર્મિ ટ્રેનિંગ અકેડમીમાંથી તાલીમ મેળવી લેફ્ટનન્ટ બન્યા છે.
NCC ની 25 ગર્લ્સ કેડેટ્સ મેદાને
લેફ્ટનન્ટ દુહિતા તેમની યુનિટની 25 ગર્લ્સ કેડેટ્સ સાથે આવી પરિસ્થિતમાં પ્રશાસનને મદદરૂપ થવા આગળ આવ્યા છે. જે 18 વર્ષથી વધુ ઉંમરની ગર્લ્સ કેડેટ્સ ફિલ્ડ પર કાર્યરત છે. તો 18થી ઓછી ઉંમરની ગર્લ્સ ઘરેથી સોશિયલ મિડીયા કેમ્પેઇન અને પોસ્ટર-મેકીંગ જેવી રચનાત્મક પ્રવૃત્તિ દ્વારા કાર્યરત છે.
રાજ્યમાં 637 કેડેટ્સ, 54 આસિસ્ટન્ટ NCC ઓફિસર-ANO અને 85 કાયમી ઇન્સ્ટ્રક્ટરને 20 સ્થળે તહેનાત કરવામાં આવ્યા છે.
આ પણ વાંચો : ગુજરાતનું આ શહેર બીજું વુહાન બનવા તરફ, 24 મિનિટમાં નોંધાય છે 1 કેસ
ગ્રૂપમાં જરૂરિયાત મુજબ વિવિધ જંકશન પર તહેનાત
આ ટુકડીઓને અલગ-અલગ કાર્યો માટે નિયુક્ત કરવામાં આવ્યાં છે. અમદાવાદની 1-ગુજરાત ગર્લ્સ બટાલીયનને કર્નલ અવેશ પાલના નેતૃત્વ હેઠળ તાલીમ આપવામાં આવી હતી. આ મહામારી સામે લડવા મદદરૂપ થવા ગુજરાત NCC ડાયરેક્ટર પોતાના કેડેટ્સની નિયુક્તિ કરવા માટે સામેલ છે. કેડેટ્સને ગ્રૂપમાં જરૂરિયાત મુજબ વિવિધ જંકશન પર તહેનાત કરવામાં આવ્યા છે.
દેશની સેવા કરવા જ અમે એન.સી.સી.ની તાલીમ લીધી છે
અમદાવાદમાં 145 કેડેટ્સ, 02 GCI ગર્લ્સ કેડેટ ઈન્સ્ટ્રક્ટર, 13 ANO અને 23 કાયમી ઇન્સ્ટ્રક્ટરને નિયુક્ત કરાયા છે. ભૌતિક વિજ્ઞાનનાં લેક્ચરર અને એન.સી.સી. લેફ્ટનન્ટ દુહિતાનું કહેવું છે. મારા શહેરમાં કોરોનાએ કેર મચાવ્યો છે, ત્યારે હું ઘરે કેવી રીતે રહુ, દેશની સેવા કરવા જ અમે NCCની તાલીમ લીધી છે.
આ પણ વાંચો : આ દેશે કર્યો દાવો, સપ્ટેમ્બર સુધીમાં આવી જશે કોરોનાની વેક્સિન
