ઇંગ્લેન્ડના ઓલરાઉન્ડર બેન સ્ટોક્સે લખેલા પુસ્તક ‘ઓન ફાયર’નાં બનાવો ખૂબ વાયરલ થઈ રહ્યાં છે. તેમાંથી એક બનાવ ઇંગ્લેંડનો ‘ક્રિકેટ વર્લ્ડ કપ 2019’ છે. સ્ટોક્સે તેમના પુસ્તકમાં લખ્યું છે કે ભારત આ મેચ જીતવા માંગતુ જ નથી.ગ્રુપ સ્ટેજ મેચમાં ઇંગ્લેન્ડે ભારતને 31 રને હરાવ્યું હતું. તેણે ભારતીય કેપ્ટન વિરાટ કોહલી, ઓપનર રોહિત શર્મા, વિકેટકીપર મહેન્દ્ર સિંહ ધોની અને કેદાર જાધવના ઇરાદા પર સવાલ ઉઠાવ્યા છે.
સ્ટોક્સે રોહિત અને કોહલીની બેટિંગને શંકાસ્પદ ગણાવી છે. જ્યારે તેણે ધોની અને જાધવ વિશે સ્પષ્ટ લખ્યું છે, કે બંનેએ જીતની ઇચ્છા દર્શાવી ન હતી. બર્મિંગહામમાં આ મેચમાં ઇંગ્લેન્ડે ટોસ જીતીને પ્રથમ બેટિંગ કરવાનો નિર્ણય કર્યો હતો. જોની બેરિસ્ટોનો સદીના આધારે, બ્રિટિશરોએ સાત વિકેટ ગુમાવી 337 રન બનાવ્યા. જેના જવાબમાં ભારતીય ટીમ પાંચ વિકેટ ગુમાવ્યા બાદ 306 રન બનાવી શકી હતી. ધોની અને જાધવ નોટ આઉટ પરત ફર્યા હતા.
ધોનીએ જીતવા રસ દાખવ્યો નહીં
‘જ્યારે ધોની બેટિંગ માટે આવ્યો ત્યારે તેને 11 ઓવરમાં 112 રનની જરૂર હતી. જે રીતે તેણે બેટિંગ કરી તે એકદમ વિચિત્ર હતી. તેણે સિક્સને બદલે સિંગલ્સ લેવામાં વધુ રસ રાખ્યો. મેચમાં ફક્ત 12 બોલ બાકી હતા ત્યારે પણ ભારત જીત મેળવી શકતે. પરંતુ ધોની અને તેના સાથીદાર કેદાર જાધવે જરાય રસ દાખવ્યો નહીં. હું માનું છું કે બને ત્યાં સુધી પ્રયત્ન કરો જ્યાં સુધી જીત સંભવ હોય. ‘
સ્ટોક્સે એમ પણ લખ્યું હતું કે તેમની ટીમને લાગ્યું હતું કે ધોની ઇરાદાપૂર્વક મેચ ખેંચી રહ્યો છે જેથી રન-રેટ પર અસર ન પડે. ધોનીએ આ મેચમાં 31 બોલમાં 42 રન બનાવ્યા હતા. જો કે, મેચ જ્યારે ભારતની પકડથી દૂર ગઈ ત્યારે તેણે છેલ્લી ઓવરમાં ઝડપી રન બનાવ્યા. ધોનીએ તેના છેલ્લા સાત બોલમાં 13 રન બનાવ્યા, જ્યારે પહેલા 24 બોલમાં 29 રન હતા.
આ પણ વાંચો : શું કોરોનાના કારણે લંબાઈ શકે છે T-20 વર્લ્ડ કપ ?, ICC લેશે અંતિમ નિર્ણય
સ્ટોક્સે લખ્યું, ‘અમને લાગતું હતું કે ધોનીની રમવાની રીત હંમેશાં એકસરખી રહી છે. જો ભારત મેચ જીતી શકશે નહીં, તો તે મેચને છેલ્લે સુઘી લઇ જઈ ભારતનો રન રેટ બરાબર રાખવાનો પ્રયાસ કરે છે. તેની સૌથી મોટી વાત હંમેશાં એ રહી છે કે તે પોતાને છેલ્લી ઓવર સુધી ક્રિઝ પર રાખીને જીતવાની તક આપવા માંગે છે. પરંતુ તે ઈચ્છે છે કે તે હારના સમયે પણ અંત સુધી શક્ય હોય તેટલું લક્ષ્યની નજીક જાય . ‘
રોહિત અને કોહલીની બેટિંગ પર પણ સવાલ.
‘રોહિત શર્મા અને વિરાટ કોહલીની રીત અજીબ હતી. હું જાણું છું કે અમારા બોલરોએ શાનદાર બોલિંગ કરી હતી, પરંતુ તેઓ જે રીતે તે બેટિંગ કરી રહ્યા હતા તે વિચિત્ર હતું. તેણે મેચમાં તેની ટીમને ઘણી પાછળ રહેવા દીધા. તેઓએ અમારી ટીમ પર દબાણ લાવવાનો કોઈ પ્રયાસ કર્યો ન હતો.’ આ મેચમાં રોહિતે 102 અને કોહલીએ 66 રન બનાવ્યા હતા. બંનેએ બીજી વિકેટ માટે 128 રનની ભાગીદારી કરી હતી, પરંતુ આ માટે તેઓએ લગભગ 26 ઓવર રમી હતી.
આ પણ વાંચો : googleની આ એપ WhatsApp Massangerને આપશે ટક્કર
