વિધાનસભામાં વિપક્ષે સરકારને દુષ્કર્મ અને સામૂહિક દુષ્કર્મ કેસ અંગે પ્રશ્ન પૂછ્યો હતો જેનો જવાબ આપતા સરકારે આંકડા રજુ કાર્ય હતા. રાજ્યમાં છેલ્લા બે વર્ષમાં 2723 દુષ્કર્મ-સામૂહિક દુષ્કર્મના કેસ નોંધ્યા છે. રાજ્યમાં દરરોજ સરેરાશ 4 દુષ્કર્મ અને સામૂહિક દુષ્કર્મના કેસ નોંધાયા છે. તેમજ કેટલાક કિસ્સાઓમાં દુષ્કર્મના આરોપીઓની ધરપકડ કરવાની પણ બાકી હોવાનું જણાવ્યું હતું. રાજ્યમાં સૌથી વધુ દુષ્કર્મના કેસ અમદાવાદ અને સુરત જિલ્લામાં નોંધાયા છે. જ્યારે સૌથી ઓછા કેસ ડાંગ જિલ્લામાં નોંધાયા છે.
આ અંગે વિપક્ષ નેતા પરેશ ધનાણીએ કહ્યું, કે રાજ્યમાં દરરોજ 3-4 દીકરીઓ પિંખાય છે, તે આપણા સૌ માટે શરમની બાબત છે, મારે પણ દીકરીઓ છે, તેથી મને પણ ચિંતા થાય છે કે મારી દીકરીઓ પણ સલામત છે કે કેમ?. ત્યારે આ મુદ્દે ગૃહરાજ્ય મંત્રી પ્રદીપસિંહ જાડેજાએ જણાવ્યું હતું કે, રાજ્યમાં બનતી દુષ્કર્મની ઘટનાઓને અટકાવવા માટે ઉચ્ચ કક્ષાની સમિતિ બનાવામાં આવી છે, મોટા ભાગની દુષ્કર્મની ઘટનાઓ પ્રેમ પ્રકરણ હોવાનું જણાયું છે, ગુજરાતનો ક્રાઈમ રેટ દેશના અન્ય રાજ્યો કરતા બહુ ઓછો છે, છતાં સરકાર આ મામલે ગંભીર છે.
આ પણ વાંચો : ગુજરાતમાં ક્યાં છે સુરક્ષા ? દરરોજની 3 હત્યા, 4 બળાત્કાર, સુરત અને અમદાવાદ બન્યા ગુનાઓના સેન્ટર
અમદાવદ અને સુરતમાં સૌથી વધુ દુષ્કર્મની ઘટના
- અમદાવાદ : 540
- સુરત : 452
- રાજકોટ : 158
- બનાસકાંઠા : 150
- વડોદરા : 139
- કચ્છ : 128
- અમરેલી : 81
- દાહોદ : 76
- ભાવનગર : 77
- જૂનાગઢ : 65
- પાટણ : 64
- જામનગર : 56
- સાબરકાંઠા : 56
- ગીર-સોમનાથ : 50
- પંચમહાલ : 49
- સુરેન્દ્રનગર : 47
- તાપી : 39
- મહેસાણા : 39
- વલસાડ : 38
- મહીસાગર : 36
- દેવભૂમિ-દ્વારકા : 35
- છોટાઉદેપુર : 34
- નર્મદા : 34
- મોરબી : 34
- ખેડા : 34
- આણંદ : 32
- ગાંધીનગર : 27
- નવસારી : 25
- પોરબંદર : 24
- અરવલ્લી : 24
- બોટાદ : 22
- ડાંગ : 9
