છેલ્લા પાંચ દિવસથી રાજ્યમાં મેગરાજા મનમુકીને વરસી રહ્યા છે. ત્યારે હવામાન વિભાગ દ્વારા આગામી દિવસોમાં ભારે વરસાદની આગાહી કરી છે. હવામાન વિભાગે 19 ઓગસ્ટ સુધી ભારેથી અતિભારે વરસાદની આગાહી કરી છે. સૌરાષ્ટ્ર, કચ્છ, દ્વારકા, ભરૂચ, નર્મદા, તાપી, સુરત, નવસારી, વલસાડ, મોરબી, સુરેન્દ્રનગર, જામનગરમાં વરસાદની આગાહી છે. આગાહી પગેલ તંત્રને એલર્ટ રહેવા સૂચના અપાઈ છે.
તંત્રને એલર્ટ રહેવા સૂચના
ગુજરાત પર એક સાયક્લોનિક સિસ્ટમ સક્રીય થતા હવામાન વિભાગ દ્વારા 17થી 20 ઓગસ્ટ સુધી ભારેથી અતિભારે વરસાદની આગાહી કરી છે. વરસાદની ભારે આગાહી પગલે તલાટીઓને ગામમાં જ રહેવા સૂચના અપાઈ છે. નદી કિનારાના વિસ્તારોને એલર્ટ કરાયા છે. ભારે વરસાદના પગલે પાણી ભરાતા હોય તેવો કોઝ-વે બંધ કરવા સૂચના પણ આપવામાં આવી છે. જેને લઇ અમરેલીના જાફરાબાદ તંત્ર દ્વારા માછીમારોને સૂચના અપાઈ છે. દરિયો 17થી 20 ઓગસ્ટ તોફાની રહેવાની આગાહી પગલે સાંચબંદર, શિયાળબેટ, રાજપરામાં સૂચના અપાઈ છે. જાફરાબાદ બોટ એસોશિએશને તમામ બોટ લાંગરી દીધી છે.
બંગાળાની ખાડી, ઝારખંડ અને ઉત્તર ઓરીસ્સામાં લો-પ્રેશર તેમજ સાયક્લોનિક સર્ક્યુલેશન સિસ્ટમના કારણે ગુજરાતમાં સાર્વત્રિક વરસાદી માહોલ સર્જાયો છે. જેને લઇ હવામાન વિભાગ દ્વારા આગામી પાંચ દિવસ ભારે વરસાદની આગાહી કરવામાં આવી છે.
આ વિસ્તારોમાં ભારે વરસાદની આગાહી
ઉત્તર ગુજરાતમાં અતિભારે વરસાદ પડી શકે છે. ત્યારે અન્ય વિસ્તારોમાં ભારે વરસાદની આગાહી છે. બનાસકાંઠા, આણંદ, પાટણ, સુરેન્દ્રનગર, મોરબી, કચ્છમાં શરૂઆતના ત્રણ દિવસ અતિભારે વરસાદ પડવાની શક્યતાઓ છે. આ સિવાય મહેસાણા, સાબરકાંઠા, ગાંધીનગર, ખેડા, સુરત, નવસારી, વલસાડ, દમણ, દાદરા નગર હવેલી, જામગર, જૂનાગઢ, મોરબી, દ્વારકા અને ગીર સોમનાથમાં ભારે વરસાદ પડવાની આગાહી છે.
આ પણ વાંચો : સુરતમાં ખાડીઓના લેવલ ઘટતા ધીરે-ધીરે નીકળી રહ્યું છે પાણી, પરંતુ લાગી શકે છે આટલો સમય
