હવામાન વિભાગ(Meteorological department) દ્વારા ચાર દિવસ ગુજરાત(Gujarat)માં ભારે વરસાદની આગાહી કરવામાં આવી છે. બંગાળની ખાડીમાં લો પ્રેશર એરિયા બનશે જેનાથી રાજ્યમાં સારા પ્રમાણમાં વરસાદ(Rainfall) વરસશે. રાજ્યમાં 4થી 7 ઓગસ્ટ ભારે વરસાદની આગાહી છે. આજથી ચાર દિવસ ગુજરાતમાં મેઘમહેરની હવામાન વિભાગની આગાહીના માછીમારોને દરિયો ન ખેડવા સૂચના પણ આપી દેવામાં આવી છે.
આ વિસ્તારોમાં જોવા મળશે વરસાદ
4 ઓગસ્ટે વલસાડ, દમણ, દાદરા નગર હવેલીમાં ભારે વરસાદની આગાહી છે. તો 5 ઓગસ્ટ દક્ષિણ ગુજરાતમાં વલસાડ, નવસારી, દમણ, દાદરા નગર હવેલી, ભરૂચ, સુરત, અમરેલી, ભાવનગર અને ગીર સોમનાથ ભારે વરસાદ વરસશે.
6 ઓગસ્ટના રોજ વલસાડ, દમણ, દાદરા નગર હવેલી, બનાસકાંઠા, પાટણ, સુરત, નવસારી, ભાવનગર, બોટાદ, અમદાવાદ, આણંદ, ભરૂચ, અમરેલી, ગીર સોમનાથ અને કચ્છમાં ભારે વરસાદ જોવા મળશે.
ત્યારે 7 ઓગસ્ટના રોજ નવસારી, વલસાડ, દમણ, દાદરા નગર હવેલી, અમરેલી, ભાવનગર, વડોદરા, નર્મદા, ભરૂચ, સુરત, ડાંગ, તાપી, ગીર સોમનાથ, ખેડા, અમદાવાદ, પંચમહાલ, દાહોદ, સુરેન્દ્રનગર, પોરબંદર, જૂનાગઢ, બોટાદ અને કચ્છમાં ભારે વરસાદની આગાહી હવામાન વિભાગે કરી છે. ભારે વરસાદની શક્યતાને જોતા 5 ઓગષ્ટ સુધી દરિયો ન ખેડવા સુચના અપાઇ છે.
અત્યાર સુધી રાજ્યમાં વરસાદની સ્થતિ
રાજ્યમાં આ વર્ષે જુલાઇ મહિનામાં 42 ટકા વરસાદ પડ્યો છે. જેમાં સિઝનનો 42.33 ટકા વરસાદ રહ્યો છે. જુલાઇમાં 13.8 ઇંચ વરસાદ પડ્યો છે. જેમાં કચ્છમાં સૌથી વધુ વરસાદ 14.4 ઇંચ. ઉત્તર ગુજરાતમાં સૌથી ઓછો વરસાદ 7.8 ઇંચ અને સૌરાષ્ટ્રમાં 19.2 ઇંચ વરસાદ છે. જ્યારે મધ્ય ગુજરાતમાં 9 ઇંચ વરસાદ નોંધાયો છે.
આ પણ વાંચો : સુરતમાં 10 હજારથી વધુ લોકો કોરોનાને માત આપી ઘરે ગયા, છેલ્લા 24 કલાકમાં આટલા લોકો સારા થયા
