ગઈકાલે રાજ્યના 195 તાલુકામાં વરસાદ નોંધાયો હતો જેમાં ઉમરગામમાં સૌથી 4 ઇંચ વરસાદ નોંધાયો હતો તેમજ ભરૂચમાં 3 ઇંચ વરસાદ પડ્યો હતો. ત્યારે રાજ્યના દક્ષિણ ગુજરાત અને સૌરાષ્ટ્રમાં આજથી 3 દિવસ ભારે વરસાદની આગાહી કરવામાં આવી છે.
ઓડિશામાં સર્જાયેલું અપર એર સાયક્લોનિક સરક્યુલેશન આજે ગુજરાત પહોંચશે. જે રાજ્યમાં દક્ષિણ ગુજરાત અને સૌરાષ્ટ્રમાં આગળ વધીને જમીનના લેવલે આવીને લો પ્રેશર બનશે જેને લઇ આજથી ત્રણ દિવસ રાજ્યમાં ભારે વરસાદ પડશે.
અપર એર સાયક્લોનિક સર્ક્યુલેશન સક્રિય
હાલમાં અપર એર સાયક્લોનિક સરક્યુલેશન બંગાળની ખાડી અને ઓડિશાની આજુબાજુ છે, જે દેશનાં પશ્ચિમ વિસ્તારમાં ગતિ કરશે અને મધ્ય ભારતથી દક્ષિણ ગુજરાત અને સૌરાષ્ટ્ર તરફ આગળ વધશે. જે આજે ગુજરાત સુધી પહોંચીને અપર એર સાયક્લોનિક સરક્યુલેશન જમીનના લેવલથી નજીક આવીને લો-પ્રેશર બનશે, સાથે મોન્સુન ટ્રફ પણ જમીન તરફ નીચે આવશે. જેને લઇ 18 જુલાઇ સુધી રાજ્યમાં ભારે વરસાદની થશે તેમજ 17 જુલાઇના રોજ સમગ્ર રાજ્યમાં ભારેથી અતિભારે વરસાદ પડી શકે છે.
આ પણ વાંચો : રાજકોટ, ગોંડલ, જસદણ અને અમરેલીમાં વહેલી સવારે ભૂકંપના આંચકા
