સુરતના કાપોદ્રા પોલીસ મથક વિસ્તારના નાના વરાછામાં આવેલી નવદુર્ગા સોસાયટીના એક મકાનના ત્રીજા માળે રૂમમાં જુગાર રમતા 7 મહિલાઓ સહિત 9 જણાને પોલીસે ઝડપી પાડ્યા હતા. એટલું જ નહીં પણ પોલીસે 81 હજારની રોકડ જપ્ત કરી હતી. ઝડપાયેલા તમામ જુગારીઓ મજૂરીકામ કરતા હોવાનું પોલીસે જણાવ્યું છે.
કાપોદ્રા પોલીસે જણાવ્યું હતું કે, રામજીભાઇ ઓઘાભાઇ ધામેલીયા પોતાના ઘરમાં જુગારધામ ચલાવી રહ્યા હોવાની મળેલી બાતમીના આધારે પોલીસે રેડ કરી હતી. જેમાં 7 મહિલાઓ 9 જણા તીન પત્તીનો પૈસાનો હારજીત નો જુગાર રમતા પકડાય ગયા હતા. પોલીસે જુગારીઓ પાસેથી રોકડા રૂપિયા 81040 નો મુદ્દામાલ સાથે મોઢા પર માસ્ક કે કેસ કવર કર્યા વગર કોઇ પ્રકારનું સામાજીક અંતર રાખ્યા વગર જુગારની કલમ હેઠળ કાર્યવાહી હાથ ધરી છે.
