કેન્દ્ર સરકારે શનિવારે સિફારિશ કરી છે કે પ્રાઇવેટ પ્રયોગશાળાઓ તરફથી COVID-19ના પરીક્ષણ માટે મહત્તમ ચાર્જ 4500 રૂપિયાથી વધુ ન લેવો જોઈએ. પ્રાઇવેટ પ્રયોગશાળાઓમાં COVID-19 પરીક્ષણ માટે ભારતીય આયુર્વિજ્ઞાન અનુશન્ધાન પરિષદ (ICMR) દ્વારા જારી દિશાસૂચન મુજબ NABL માન્યતા પ્રાપ્ત બધી પ્રાઇવેટ પ્રયોગશાળાઓને COVID-19 પરીક્ષણની મંજૂરી આપવામાં આવી છે, જેને શનિવાર રાત્રે કેન્દ્રીય સ્વાસ્થ્ય મંત્રાલય તરફથી અધિસુચન કરવામાં આવ્યું.
ઉલ્લંઘન કરવા પર કડક કાનૂની કાર્યવાહી થશે
નેશનલ ટાસ્ક સિફારીસ મુજબ, ટેસ્ટનો મહત્તમ ચાર્જ 4500 રૂપિયાથી વધુ ન હોઈ શકે. સંદિગ્ધ દર્દીઓની સ્ક્રીનિંગ ટેસ્ટ માટે 1500 રૂપિયા અને કન્ફર્મેશન ટેસ્ટ માટે 3 હજાર રૂપિયા નિર્ધારિત કરવામાં આવ્યા છે. નિર્દેશમાં એ જણાવવામાં આવ્યું છે કે તપાસની ફી સબસીડી રેટ પર લઇ શકાય છે. કેન્દ્રીય સ્વાસ્થ્ય મંત્રાલય તરફથી જારી આ નિર્દેશમાં એ પણ કહેવામાં આવ્યું કર આ નિયમનું ઉલ્લંઘન કરતા પકડવા પર કડક કાર્યવાહી કરવામાં આવશે.
COVID-19 ના દર્દીઓ માટે એક અલગ સેમ્પલ કલેક્શન સેન્ટર
દિશા-નિર્દેશોના સેમ્પલ એકત્રિત કરતી દરમિયાન ઘણી સાવધાની રાખવાની સલાહ આપવામાં આવી છે. આઈસીએમઆરએ કહ્યું કે દર્દીઓના સેમ્પલ લેતી સમયે બાયોસેફટી અને બાયોસિક્યોરિટીનું ખાસ ધ્યાન રાખવું જોઈએ. એના માટે COVID-19 ના દર્દીઓ માટે એક અલગ સેમ્પલ કલેક્શન સેન્ટર બનાવવાની વાત કરવામાં આવી છે. પ્રાઇવેટ પ્રયોગશાળા ઘરોથી સેમ્પલ લઇ શકે છે. જેથી અન્ય લોકોના સંપર્કમાં ન આવે.
દિશાનિર્દેશોમાં કહેવામાં આવ્યું છે કે COVID-19ની ટેસ્ટ કીટ યુએસ એફડીએથી મંજુર અથવા યુરોપીય સીઈ પ્રમાણીત હોવી જોઈએ અને એની સમગ્ર સૂચના ભારતમાં ડ્રગ કંટ્રોલર જનરલને હોવી જોઈએ. એની સાથે જ પ્રયોગશાળાના કર્મચારીઓને એના માટે યોગ્ય રૂપમાં પ્રશિક્ષિત કરવા જોઈ. બધા બાયોમેડિકલ કચરાને રાષ્ટ્રીય દિશા નિર્દેશો અનુસાર નાશ કરવો જોઈએ.
આ પણ વાંચો : PM મોદીએ કરી ટાળી પાડવાની અપીલ, પણ શું તમને ખબર છે એનું વૈજ્ઞાનિક મહત્વ ?
