રશિયાએ કીવમાં આવેલી રેડિયોએક્ટિવ વેસ્ટ ડિસ્પોઝલ સાઈટ અને ઓઈલ ડેપો ઉડાવ્યો, લોકોને શ્વાસ લેવામાં પડી રહી છે મુશ્કેલી

રશિયા અને યુક્રેન વચ્ચે ચાર દિવસથી યુદ્ધ ચાલી રહ્યો છે. ત્યારે રશિયાએ કિવ પર કબજો મેળવવા માટે હુમલા વધારી દીધા છે. રશિયા દ્વારા કરવામાં આવેલા હુમલાઓમાં અત્યાર સુધીમાં સેંકડો નાગરિકો માર્યા ગયા હોવાનું માનવામાં આવે છે. આ તરફ અમેરિકા, યુરોપીય સંઘ અને બ્રિટને રશિયાની સેન્ટ્રલ બેંક પર પ્રતિબંધ મુકી દીધો છે. જર્મનીએ રશિયન વિમાનો માટે પોતાની એરસ્પેસ બંધ કરી દીધી છે. પશ્ચિમી દેશોએ રશિયન બેંકોને સ્વિફ્ટ મેસેજિંગ સિસ્ટમમાં પ્રતિબંધિત કરી આ નિર્ણયનું યુક્રેન દ્વારા સ્વાગત કરવામાં આવ્યું છે. યુક્રેનના વડાપ્રધાન ડેનિસ શ્યામલે ટ્વિટમાં લખ્યું હતું કે, તમારા સૌનો આભાર. તમે આ સમયે અમારૂં સમર્થન કર્યું. યુક્રેનના લોકો આ કદી નહીં ભૂલે.