રાજ્યમાં ધો.10ના 11.59 લાખ વિદ્યાર્થીઓનું 66.97 ટકા પરિણામ જાહેર કરવામાં આવ્યું છે. સૌથી વધુ પરિણામ સાથે સુરત જિલ્લો આ વખતે પણ પ્રથમ ક્રમે આવ્યો છે. સુરત જિલ્લાનું બોર્ડનું પરિણામ 79.63 ટકા છે. જ્યારે સૌથી ઓછું પરિણામ છોટાઉદેપુર જિલ્લાનું 46.38 ટકા પરિણામ આવ્યું છે.
ધો.10ના પરિણામમાં પણ છોકરીઓ બાજી મારી ગઇ છે. છોકરીઓનું પરિણામ 72.64 ટકા આવ્યું છે, જ્યારે છોકરાઓનું પરિણામ 62.83 ટકા છે. આમ છોકરાઓ કરતા છોકરીઓનું પરિણામ 10 ટકા વધુ રહ્યું છે. વિદ્યાર્થીઓ બોર્ડની વેબસાઇટ www.gseb.org પરથી પોતાનું પરિણામ જાણી શકે છે.
ગીર સોમનાથ જિલ્લાનું સુપાસી કેન્દ્ર 95.56 ટકા પરિણામ સાથે પ્રથમ ક્રમે છે. જ્યારે સૌથી ઓછું પરિણામ ધરાવતું કેન્દ્ર આ જ જિલ્લાનું તડ કેન્દ્ર છે. જેનું પરિણામ 17.63 ટકા છે.
100 ટકા પરિણામ ધરાવતી 366 શાળાઓ
995 શાળાઓનું પરિણામ 30 ટકા કરતા પણ ઓછું
રાજ્યની 63 શાળાઓનું પરિણામ 0 ટકા
ગુજરાતી માધ્યમનું પરિણામ 64.58 ટકા
હિન્દી માધ્યમનું 72.66 ટકા
જ્યારે અંગ્રેજી માધ્યમનું પરિણામ 88.11 ટકા
4974 વિદ્યાર્થીઓએ A1 ગ્રેડ
32375 વિદ્યાર્થીઓએ A2 ગ્રેડ
70677 વિદ્યાર્થીઓએ B1 ગ્રેડ
129629 વિદ્યાર્થીઓએ B2 ગ્રેડ
માર્કશીટનું વિતરણ
ગુજરાત શિક્ષણ બોર્ડે અખબારી યાદીમાં જણાવ્યું હતું કે, ધોરણ-10 અને સંસ્કૃત પ્રથમના માર્ચ-2019ના ઉમેદવારોની માર્કશીટનું વિતરણ જિલ્લા કક્ષાએ નિયત કરેલા વિતરણ સ્થળો પર કરવામાં આવશે. તારીખ 21 મે 2019ને મંગળવારના રોજ સવારે 11:00 કલાકથી 16:00 કલાક દરમિયાન તેનું વિતરણ કરાશે.
NewsAayog ફેસબુક, ટ્વિટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે +919104135991 અમને તમારું નામ અને શહેરનું નામ મેસેજ કરો.
