સુરત શહેર અને જિલ્લામાં ઝડપથી કોરના(corona)નું સંક્રમણ વધી રહ્યું છે. છેલ્લા 24 કલાકમાં સુરત અને જિલ્લા કુલ 284 કેસ સામે આવ્યા. તેની સાથે કુલ પોઝિટિવ(positive)નો આંકડો 13,663 થયો. ત્યારે છેલ્લા 24 કલાકમાં 11 લોકોના મોત થયા જેની સાથે સુરત શહેર જિલ્લા અત્યાર સુધીમાં કુલ 597 લોકોના મોત થયા. છેલ્લા 24 કલાકમાં 249 લોકો સારા થયા સાથે જ અત્યાર સુધીમાં 9,365 લોકો સારા થઇ ઘરે ગયા છે.
સુરત શહેરની કોરોના અપડેટ
સુરત મહાનગર પાલિકા દ્વારા આપવામાં આવેલી માહિતી મુજબ ગઈકાલે સાંજે 6 વાગ્યા સુધીમાં સુરત શહેરમાં કુલ 219 કેસો નોંધાયા જેની સાથે શહેરમાં અત્યાર સુધીમાં 10,976 કુલ કોરોના ના કેસો સામે આવ્યા. ત્યારે 7 લોકોના મોત થયા જેની સાથે કુલ મોતનો આંકડો 489 પર પહોંચ્યો. ત્યારે છેલ્લા 24 કલાકમાં 169 લોકો ડિસ્ચાર્જ થયા, સાથે જ શહેરમાં અત્યાર સુધીમાં 7556 લોકો સારા થયા છે
વિવિધ ઝોન મુજબ કોરોનાના કુલ આંકડા
સેન્ટ્રલ- 1286, વરાછા એ – 1489, વરાછા બી- 1061, રાંદેર- 1347, કતારગામ- 2345, લીંબાયત- 1517, ઉધના- 833, અઠવા- 1098
શહેરમાં છેલ્લા 24 કલાકમાં સૌથી વધુ અઠવા ઝોનમાં 45 કેસ સામે આવ્યા. ત્યારે વરાછા-એમાં 37 પોઝિટિવ નવા કેસ નોંધાયા, સેન્ટ્રલ ઝોનમાં 31, કતારગામમાં 27 તો વરાછા બીમાં 23 કેસ નોંધાયા,ત્યારે રાંદેર ઝોનમાં 20 નવા કેસ સામે આવ્યા. સુરત શહેરમાં 28,115 લોકો હોમ ક્વોરેન્ટાઇન છે. જેમાંથી સરકારી ફેસેલિટી મુજબ કુલ 5 લોકો ક્વોરેન્ટાઇન છે આમ શહેરમાં કુલ 28,120 લોકો ક્વોરેન્ટાઇનમાં છે.
સુરત જિલ્લા કોરોના અપડેટ
સરકાર દ્વારા આપવામાં આવેલી માહિતી મુજબ, સુરત જિલ્લામાં છેલ્લા 24 કલાકમાં 65 કેસ સામે આવ્યા જેની સાથે કોરોના દર્દીઓની કુલ સંખ્યા 2687 થઇ. ત્યારે 4 લોકોના મૃત્યુ સાથે કુલ મોતનો આંકડો 108 પર પહોંચ્યો. ગઈકાલે 60 લોકો ડિસ્ચાર્જ થયા સાથે કુલ 1809 લોકો ડિસ્ચાર્જ થઇ ઘરે ગયા.
તાલુકા મુજબ કોરોનાના આંકડા
ગઈકાલે 259 લોકોને ક્વોરેન્ટાઇન કરવામાં આવ્યા, સાથે જ કુલ હાલ 7027 લોકો હોમ ક્વોરેન્ટાઇન છે.
આ પણ વાંચો : દેશમાં આજે અત્યાર સુધીના સૌથી વધુ 57 હજારથી વધુ નવા કેસ, ડિસ્ચાર્જનો આંકડો 11 લાખને નજીક
