સુરત શહેર અને જિલ્લામાં ઝડપથી કોરનાનું સંક્રમણ વધી રહ્યું છે. છેલ્લા 24 કલાકમાં શહેર 209 અને જિલ્લામાં 78 આમ કુલ 287 કેસ સામે આવ્યા. તેની સાથે કુલ પોઝિટિવનો આંકડો 10,574 થયો. ત્યારે છેલ્લા 24 કલાકમાં 17 લોકોના મોત થયા જેની સાથે સુરત શહેર જિલ્લા અત્યાર સુધીમાં કુલ 462 લોકોના મોત થયા. સાથે જ અત્યાર સુધીમાં 6935 લોકો સારા થઇ ઘરે ગયા છે.
સુરત શહેરની કોરોના અપડેટ
સુરત મહાનગર પાલિકા દ્વારા આપવામાં આવેલી માહિતી મુજબ ગઈકાલે સાંજે 6 વાગ્યા સુધીમાં સુરત શહેરમાં કુલ 209 કેસો નોંધાયા જેની સાથે શહેરમાં અત્યાર સુધીમાં 8725 કુલ કોરોના ના કેસો સામે આવ્યા. ત્યારે 10 લોકોના મોત થયા જેની સાથે કુલ મોતનો આંકડો 397 પર પહોંચ્યો. સાથે જ શહેરમાં અત્યાર સુધીમાં 5833 લોકો સારા થયા છે
વિવિધ ઝોન મુજબ કોરોનાના કુલ આંકડા
સેન્ટ્રલ- 1030, વરાછા એ – 1181, વરાછા બી- 865, રાંદેર- 887 કતારગામ- 2063, લીંબાયત- 1341, ઉધના- 654, અઠવા- 704
શહેરમાં છેલ્લા 24 કલાકમાં સૌથી વધુ રાંદેર ઝોનમાં 40 પોઝિટિવ કેસ નોંધાયા, ત્યારે અઠવા અને વરાછા-એમાં 30-30 કેસ નોંધાયા, સેન્ટ્રલ ઝોનમાં 27 નવા કેસ નોંધાયા ત્યારે કતારગામમાં 26 નવા કેસ નોંધાયા.
આટલા લોકો છે ક્વોરેન્ટાઇન, સુરત શહેરમાં 13,237 લોકો હોમ ક્વોરેન્ટાઇન છે. જેમાં સરકારી ફેસેલિટી મુજબ કુલ 24 લોકો ક્વોરેન્ટાઇન છે આમ શહેરમાં કુલ 13261 લોકો ક્વોરેન્ટાઇનમાં છે.
