સુરત શહેર અને જિલ્લામાં કોરોનાનો કુલ આંકડો 25,405 પર પહોંચ્યો ગુરુવારે સાંજ સુધીમાં કુલ 270 નવા કેસ સામે આવ્યા. 5 લોકોના મોત સાથે કુલ મૃત્યુઆંક 884 પર પહોંચ્યો. ગઈકાલે શહેરમાં કુલ 251 દર્દીઓ સારા થયા જેથી શહેરમાં અને જિલ્લામાં કુલ 22,057 દર્દીઓ સારા થઇ ઘરે ગયા છે.
ગુરુવારે તંત્ર દ્વારા બહાર પાડેલ માહિતી મુજબ, શહેરમાં 161 અને જિલ્લામાં 109 નવા કોરોનાના પોઝિટિવ કેસ સામે આવ્યા. શહેરમાં કુલ 19,218 પોઝિટિવ કેસમાં 655ના મોત થયા છે. જ્યારે સુરત જિલ્લામાં કુલ 6187 કેસમાં 229ના મોત થયા છે. શહેરમાંથી 167 દર્દી અને જિલ્લામાંથી 84 ર્દીઓ કોરોનાને માત આપી સાજા થયા જેની સાથે શહેરમાં અત્યાર સુધીમાં કુલ 17, 072 દર્દીઓને રજા અને જિલ્લામાં કુલ 4985 દર્દીઓ સાજા થયા છે.
વિવિધ ઝોન મુજબ કોરોનાના આંકડા
ગુરુવારે સુરત શહેરના અઠવા ઝોનમાં સૌથી વધુ 58 નવા પોઝિટિવ કેસ નોંધાયા. ત્યારે સૌથી ઓછા લીંબાયત ઝોનમાં 6 નવા કેસ સામે આવ્યા. જિલ્લાની વાત કરીએ તો 24 કલાકમાં સૌથી વધુ કામરેજ તાલુકામાં સૌથી 28 નવા કેસ સામે આવ્યા.
તાલુકા મુજબ કોરોનાના આંકડા
સુરત શહેરમાં એક્ટિવ કેસ પૈકી કુલ 823 લોકો હોસ્પિટલમાં છે. જેમાંથી સિવિલ હોસ્પિટલમાં 148 દર્દીઓ છે અને સ્મીમેર હોસ્પિટલમાં 102 દર્દીઓ સારવાર લઇ રહ્યા છે. શહેરમાં હાલ 39,574 લોકો હોમ ક્વોરેન્ટાઇનમાં છે. જિલ્લામાં હાલ 4927 લોકો હોમ ક્વોરેન્ટાઇન છે.
આ પણ વાંચો : અંકિતભાઈ નાયકે બીજીવાર પ્લાઝમા દાન કરી, વડાપ્રધાનને બર્થ-ડે ગીફટ આપી
