અબજોપતિ રોકાણકાર વોરન બફેટ (Warren Buffett)એ હાલમાં પોતાના જીવન સાથે જોડાયેલી કેટલીક અજાણી વાતોનો ખુલાસો કર્યો છે. બર્કશાયર હેથવેના સીઇઓએ એક ઇન્ટરવ્યૂમાં તેઓ પોતાના પર્સમાં કંઈ બે વસ્તુઓ હંમેશા રાખે છે તે બતાવ્યું હતું એ તે બે વસ્તુઓ છે 100 ડોલર કેશ અને અમેરિકન એક્સપ્રેસ કાર્ડ.
88 વર્ષના વોરન બફેટે કહ્યું છે કે, તેઓ પર્સમાં આ બે વસ્તુઓ તેમની 73 વર્ષીય પત્ની એસ્ટ્રિડ મેન્ક્સના કારણે રાખે છે. તે કાર્ડ કરતા વધારે કેશનો ઉપયોગ કરવાનું પસંદ કરે છે. વોરન બફેટ દુનિયાના ત્રીજા નંબરના ધનિક વ્યક્તિ છે અને ફોર્બ્સ પ્રમાણે એની કુલ સંપત્તિ 89.2 અબજ ડોલર છે. બફેટે કહ્યું છે કે જ્યાં સુધી ખર્ચ કરવાની વાત છે ત્યાં સુધી જુની આદતો મુશ્કેલીથી છુટે છે.
આ પણ વાંચો : મસૂદ અઝહરને આંતરરાષ્ટ્રીય આતંકી જાહેર કરાવવામાં ભારતીય રાજદૂતને ‘ધોની માઇન્ડે’ કરી મદદ, તમને પણ વિશ્વાસ થશે
વોરન બફેટે વધારે વાત કરતા કહ્યું હતું કે મેં 1964માં અમેરિકન એક્સપ્રેસ કાર્ડ લીધું હતું પણ 98 ટકા કિસ્સાઓમાં હું મોટેભાગે કેશ પેમેન્ટ કરું છું, જે મને વધારે સહેલું લાગે છે.
વોરન બફેટ હજી પણ એ ઘરમાં રહે છે જે 60 વર્ષ પહેલાં ખરીદ્યું હતું. તેઓ સામાન્ય કાર ચલાવે છે અને ભોજન પર પણ 3-4 ડોલરથી વધારે ખર્ચ કરતા નથી. વોરન બફેટ પોતાના ખરાબ ડાયેટને કારણે કુખ્યાત છે. તેઓ રોજ કોકના પાંચ કેન પીવી છે અને તેમને મેકડોનાલ્ડ્સનું બર્ગર ઘણું પસંદ છે. જોકે આ ફાસ્ટફૂડ તેમના સ્વાસ્થ્ય પર ખાસ અસર નથી કરતું અને તેઓ આટલી ઉંમરે પણ ઘણા એનર્જેટીક છે.
NewsAayog ફેસબુક, ટ્વિટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે +919104135991 અમને તમારું નામ અને શહેરનું નામ મેસેજ કરો.
