કરવા ચોથનો તહેવાર નજીક આવી રહ્યો છે જેથી તેની તૈયારીઓ પણ જોરશોરથી ચાલુ થઈ ગઈ છે. તેની અસર શહેરના સાડી માર્કેટમાં પણ જોવા મળી રહી છે. મહિલાઓ સાડીઓથી લઈ વ્રત માટે જરૂરી વસ્તુઓની ખરીદી કરવામાં વ્યસ્ત થઈ ગઈ છે.
કરવા ચોથના દિવસે સ્ત્રીઓ નવી સાડી પહેરી નવવધૂ જેવો શણગાર કરે છે. આ દિવસે તેઓ એક બીજાને શ્રુંગારની વસ્તુઓ પણ દાન કરે છે. આ વર્ષે કરવા ચૌથ 17 ઓક્ટોબરના રોજ ઉજવાશે. વ્રતની પૂર્વ તૈયારીના ભાગરૂપે સાડીની ખરીદી પણ ધૂમ થઈ રહી છે. એવામાં ચાલો જાણીએ આ વર્ષે કરવા ચૌથ પર ક્યાં પ્રકારની સાડી ફેશન ટ્રેન્ડમા છે.
સુરતની પ્રિન્ટેડ સાડીની માંગ
આ વર્ષે પ્રિન્ટેડ સાડીની માંગ વધારે છે. આ સાડીઓ મધ્યમ વર્ગની મહિલાઓને કિંમતની દ્રષ્ટિએ સારી પડે તેમ હોવાથી તે વધુ ડિમાંડમા છે. સામાન્ય અને મધ્યમ વર્ગની મહિલાઓ માટે મોંઘી સાડી કરતા printed સાડી સારો વિકલ્પ હોય તેમ લાગી રહ્યું છે.
બ્રોકેટ સાડી
આ વર્ષે બેંગ્લોરની પ્રખ્યાત બ્રોકેટ સાડી તેમજ સિલ્ક સાડી પણ ટ્રેંડમાં છે. આ સાડીની કિંમત વધારે હોવાથી ઉચ્ચ વર્ગની મહિલાઓ માટે તે સારો વિકલ્પ છે.
આ વર્ષે કરવા ચૌથના વ્રતમાં સાડી બજાર ઉપરાંત અન્ય વસ્તુઓનું વેચાણ પણ પહેલા કરતા વધ્યું છે. સાડીઓના વેચાણમાં ભારે ઉછાળો જોવા મળી રહ્યો છે જેથી વેપારીઓ પણ આનંદમાં છે. આ વર્ષે કરવા ચોથ પર 300 થી 900 રૂપિયામાં પ્રિંટેડ, 500 થી 1500 રૂપિયામાં સિંથેટિક અને 3000 થી 6000 સુધીમાં બ્રોકેટ અને સિલ્કની સાડીઓ મળી રહે છે.
