ક્રિકેટ ઇતિહાસમાં 2019ના વર્લ્ડ કપની ફાઇનલમાં નવી ચેમ્પિયન ઇંગ્લેન્ડ તો બની પણ ઘણી ઐતહાસિક ઘટના પણ બની છે. પહેલી વખત સુપર ઓવરમાં પણ ટાઈ પડતા વધુ બાઉન્ડ્રી ફટકારતા ઇંગ્લેન્ડની ટીમ ચેમ્પિયન બની હતી.
ઇંગ્લેન્ડે ઇનિંગ્સ દરમિયાન (26 બાઉન્ડ્રી) કિવિઝ કરતા 9 બાઉન્ડ્રી વધુ ફટકારી હતી. પહેલી વખત સુપર ઓવરના આધારે કોઈ ટીમને વિજેતા જાહેર કરવામાં આવી હતી.
ફેન્સને ભારે આશ્ચર્ય થયું હતું કે એક જ મેચમાં 2 વખત ટાઈ કઈ રીતે પડી શકે? ખાસ કરીને જયારે તે મેચ વર્લ્ડ કપની ફાઇનલ હોય! જોકે ઇંગ્લેન્ડના ફાસ્ટ બોલર જોફ્રા આર્ચરે 6 વર્ષ પહેલાં જ કહ્યું હતું કે વર્લ્ડ કપની ફાઇનલમાં સુપર ઓવર રમાશે.
સૌપ્રથમ જોફ્રા આર્ચરે 4 જુલાઈ, 2015ના રોજ ટ્વીટ કરી હતી કે, મને સુપર ઓવર થાય તો કોઈ વાંધો નથી.
આર્ચરે 13 એપ્રિલ, 2013ના રોજ તેણે વધુ એક ટ્વીટ કરી હતી કે 16 બોલમાં 6 રનની જરૂર હશે. આશ્ચર્યની વાત એ છે કે આજે કિવિઝને વર્લ્ડ ચેમ્પિયન બનવા સુપરઓવરમાં 16 રનની જ જરૂર હતી.
આર્ચરે 14 મે, 2015ના રોજ ટ્વીટ કરી હતી કે પહેલો બોલ વાઈડ હશે અને તેણે સુપરઓવરમાં નાખેલો પહેલો બોલ વાઈડ જ હતો. આર્ચરની ટ્વિટ્સને ક્રિકેટ વર્લ્ડકપના ઓફિશિયલ એકાઉન્ટથી લઈને ઇએસપીએન અને ફોક્સ સ્પોર્ટ્સ જેવા અનેક એકાઉન્ટ્સે રિટ્વીટ કરી હતી.
એટલું જ નહીં તેણે વધુ એક ટ્વિટ પણ કરી હતી કે ન્યૂઝીલેન્ડ તમે આ મેચ કઈ રીતે હારી ગયા?
વેસ્ટ ઇન્ડિઝ માટે અંડર-19નો વર્લ્ડ કપ રમેલા આર્ચરે વર્લ્ડ કપના 1 મહિના પહેલાં જ ઇંગ્લેન્ડ માટે ડેબ્યુ કર્યું હતું. સોશિયલ મીડિયા અને વિવિધ ઇંગ્લિશ સાઇટ્સ ઉપર તેણે અગાઉ કરેલી ટ્વિટ્સ વાયરલ થઇ છે.
સંયોગ એવો છે કે ઇંગ્લેન્ડ અને ઓસ્ટ્રેલિયા વચ્ચેની બીજી સેમિફાઇનલમાં મેચની વિવિધ ઘટનાઓ પણ તેની ટ્વિટ સાથે મળતી આવે છે.
