વિશ્વમાં કોરોના સંક્રમણ વધવાના કારણે ઘણી કંપનીઓ કોરોનાની વેક્સીન શોધવા દિવસ-રાત મહેનત કરી રહ્યા છે. ત્યારે, ભારતીય દવા બનાવતી કંપની ઝાયડસ કેડિલા (Zydus Cadilla)એ બુધવારે જણાવ્યું છે કે, તેમણે સ્વદેશી કોરોના વેક્સીનનું માનવ પરીક્ષણ (Human trials) શરૂ કરી દીધું છે. કંપનીના જણાવ્યા અનુસાર, ZYCoV-D, પ્લાસ્મિડ ડીએનએ વેક્સીનને પ્રી-ક્લિનિકલ ટૉક્સિસિટી અધ્યયનોમાં સુરક્ષિત માનવામાં આવી છે. આ વેવેકસીનના ક્લીનિકલ ટ્રાયલના ઇમ્યુનિટી ટેસ્ટના પરિણામોં સારા આવ્યા છે.
કંપનીએ આ મહિનાથી શરૂઆતમાં જણાવ્યું હતું કે, પ્લાસ્મિડ ડીએનએ વેક્સીન ઉમેદવાર (ZyCoV-D)ને અમદાવાદના વેક્સીન ટેક્નોલોજી સેન્ટરમાં પ્રીક્લિનિકલ સ્ટેજને સફળતાપૂર્વક પૂરું કર્યા બાદ ડ્રગ કન્ટ્રોલર ઓફ ઇન્ડિયા એ ઝાયડસ કેડિલા (Zydus Cadilla)ને આ વેક્સીન મનુષ્યો પર પરીક્ષણ કરવાની મંજૂરી આપી દીધી છે. આ કંપની ઉપરાંત અન્ય પણ ઘણી કંપની કોરોના વેક્સીન બનાવવા પ્રયત્ન કરી રહી છે. મંગળવારે બાયોફોર ઇન્ડિયા ફાર્મા કંપનીએ ડ્રગ કન્ટ્રોલર જનરલ ઓફ ઈન્ડિયા પાસેથી કોરોનાની દવા ફેવિપિરાવિરના નિર્માણ માટે લાયસન્સ પ્રાપ્ત કર્યું છે. હવે આ દવાને હળવાથી મધ્યમ લક્ષણો ધરાવતા દર્દીઓમાં ઉપયોગ કરી શકાશે. તે ઉપરાંત, ભારતમાં એક્ટિવ ફાર્મા કંપનીને ઇગ્રીડેંટસના ઉત્પાદન અને તેના નિકાસ માટે પણ મંજૂરી મળી છે.
આ પણ વાંચો : ક્યૂબામાં કોરોનાના દર્દીઓની સારવારમાં કારગર નિવડેલી દવાને ભારતમાં મળી મંજૂરી
આ ઉપરાંત, અમેરિકન કંપની મોડર્નાની કોરોનાની વેક્સીન પણ પ્રથમ ટ્રાયલમાં સંપૂર્ણપણે સફળ રહી. આ વેક્સીનનું 45 સ્વસ્થ લોકો પર પ્રથમ ટેસ્ટનું પરિણામ ઘણું સારું રહ્યું છે. આ વેક્સીનથી દરેક લોકોના શરીરમાં પ્રત્યેક એન્ટીબોડી વિકસિત થઇ હતી.
